મુંબઈઃ "ધ કેરળ સ્ટોરી" અને "ધ કેરળ સ્ટોરી 2" ના નિર્માતાઓ હવે સત્ય ઘટનાઓથી પ્રેરિત બીજી સ્ટોરી લઈને આવી રહ્યા છે. જેમાં મનોજ વાયપેય લીડ રોલ પ્લે કરવાના છે.  આ વાર્તા 1990 ના દાયકામાં જ્યારે ભારત આર્થિક સંકટનો સામનો કરી રહ્યું હતું ત્યારે ઇતિહાસના એક સમયગાળાના કિસ્સાને દર્શાવે છે. ફિલ્મ 'ગવર્નર' નું ટ્રેલર આજે રિલીઝ થયું. તે ભારતના ઇતિહાસના ખૂબ જ પડકારજનક સમયગાળાને સુંદર રીતે દર્શાવે છે.

કટોકટીને સમય યાદ આવી જશે
આ 2 મિનિટ 54 સેકન્ડનું આ ટ્રેલર 1990ના દાયકામાં શરૂ થાય છે, જ્યારે ભારત આર્થિક સંકટનો સામનો કરી રહ્યું હતું. ભારત નાદારીની આરે હતું. ફિલ્મમાં મનોજ બાજપેયીનું પાત્ર ભૂતપૂર્વ આરબીઆઈ ગવર્નર એસ. વેંકટરામનનથી પ્રેરિત છે. ટ્રેલર દેશની બગડતી આર્થિક પરિસ્થિતિ, તેના પરિણામે જાહેર આક્રોશ અને શેરીઓમાં ઉદભવેલી અરાજકતાને સુંદર રીતે દર્શાવે છે. આ ફિલ્મ આ ગંભીર કટોકટી દરમિયાન દેશની વ્યવસ્થાને સંચાલિત કરવા અને ભારતને આર્થિક પતનથી બચાવવા માટે લેવામાં આવેલા કઠોર અને ઐતિહાસિક પગલાંની આસપાસ ફરે છે. ટ્રેલર ફિલ્મને સાચી ઘટનાઓથી પ્રેરિત ગણાવે છે. તે બતાવે છે કે મનોજ બાજપેયીનું પાત્ર દેશને આર્થિક સંકટમાંથી કેવી રીતે બચાવવાનો પ્રયાસ કરે છે. ટ્રેલરની અસર દેખાઈ રહી છે અને મનોજનો એક અલગ અવતાર જોવા મળી રહ્યો છે.

12 જૂનના રોજ રીલિઝ થશે ફિલ્મ
આ માટે, તે દેશના સોનાને વિદેશ મોકલવાની ગુપ્ત યોજના પણ બનાવે છે. "ગવર્નર" માં મનોજ બાજપેયીની એક અલગ અદાથી એક્ટિંગ જોવા મળશે.  તેઓ ભારતીય રિઝર્વ બેંકના ગવર્નરનું ગંભીર અને કડક પાત્ર ભજવે છે. તેમના કરિયરમાં આ પહેલી વાર છે જ્યારે તેઓ મોટા પડદા પર આવી ભૂમિકામાં જોવા મળશે. જે સત્ય ઘટનાથી પ્રેરિત છે. અભિનેત્રી અદા શર્મા પણ ફિલ્મમાં મુખ્ય ભૂમિકામાં જોવા મળશે. ટ્રેલર પર આધારિત, અદાનું પાત્ર એક પત્રકારનું લાગે છે. ટ્રેલરમાં કેટલાક શક્તિશાળી સંવાદો પણ છે.ચિન્મય માંડલેકર દ્વારા દિગ્દર્શિત 'ગવર્નર' ની વાર્તા સુવેન્દુ ભટ્ટાચાર્ય, સૌરભ ભરત, રવિ અસરાની અને વિપુલ અમૃતલાલ શાહ દ્વારા સહ-લેખિત કરવામાં આવી છે. ફિલ્મના ગીતો જાવેદ અખ્તરે લખ્યા છે, જ્યારે સંગીત અમિત ત્રિવેદીએ આપ્યું છે. 'ગવર્નર: ધ સાયલન્ટ સેવિયર' 12 જૂને સિનેમાઘરોમાં રિલીઝ થવાની તૈયારીમાં છે.