દર્શન ભાવસાર
‘લોકલ ફોર વોકલ’ની દેશી વ્યાખ્યા શું?
* પોળમાં પિયર અને પોળમાં સાસરું...
બોલે એને શું કહેવાય?
* ગુજરાતીમાં બોલર...
ક્રિકેટની સાથે શું રમી શકાય ?
* સટ્ટો...
શું કળી ના શકાય?
* સ્ત્રીનું રુદન- પુરુષનું મૌન ને નેતાનું વલણ...
મન હોય તો માળવે જવાય. મન ના હોય તો?
* ઘેર ચૂપચાપ પડયા રહેવાનું...
રોપણમાં સારું અને ખરાબ શું?
* વૃક્ષારોપણ સારું અને દોષારોપણ ખરાબ...
કેટલી રેખા જાણીતી છે?
* હસ્ત રેખા- લક્ષ્મણ રેખા અને અમિતાભવાળી રેખા!
સંકલ્પ ક્યારે તૂટે?
* સંકલ્પ લીધા પછી...
સૌને ગમે એ રોકાણ કયું?
* રાત્રિ રોકાણ...
જાણીતા કેવી રીતે થવાય?
* પારકા પૈસે જલસા કરીને...
રાજમાતાના પતિને શું કહેવાય?
* રાષ્ટ્ર પતિ...
નાકમાંથી નસકોરા બોલે. તો કાનમાંથી?
* તમરાં...
ઘરમાં પગ ના ટકે તો?
* -તો બહાર ટાંટિયા તૂટે...
